Фигу Беллингемнинг "Реал"да кўрсатаётган ўйинлари ҳақида гапирди

"Реал"нинг собиқ ярим ҳимоячиси Луиш Фигу англиялик Жуд Беллингемнинг "қироллик клуби"даги фаолиятини ижобий баҳолади.

Эслатиб ўтамиз, 20 ёшли ярим ҳимоячи Испания Ла Лигасининг дастлабки тўрт турида 5 та гол урди ва 1 та голли узатмани амалга оширди.

“Беллингем жуда кучли бошлади ва “Реал”га тезда мослашди. Ёш бўлишига қарамай, у аллақачон сайёрамизнинг энг яхши футболчиларидан бири, бу шубҳасиз. Буларнинг барчаси у кўрсатаётган истеъдод ва хулқ-атвор туфайли", - дея Фигунинг сўзларидан иқтибос келтиради Madrid Xtra.

Эслатиб ўтамиз, “Реал” Беллингемни ўтган ёзда Дортмунднинг “Боруссия” клубидан 103 миллион евро товон пули эвазига харид қилди.