Фирмино учун курашда А Сериянинг яна бир гранди қўшилди

"Ливерпуль" ҳужумчиси Роберто Фирминога Италиянинг "Наполи" клубига қизиқиш билдирмоқда.

31 ёшли футболчи мавсум якунида, яъни шартномаси тугагач, «Ливерпуль»ни тарк этишга қарор қилган. Миш-мишларга кўра, бразилиялик футболчига турли чемпионатлардан кўплаб таклифлар бор. The Sun нашрининг ёзишича, "Наполи" Фирмино учун курашда янги фаворит сифатида тилга олинмоқда. Неаполликлар Фирминони Лучано Спалеттининг тактик схемаларига мукаммал мос тушадиган, шунингдек, муҳим тажрибага эга футболчи деб билишади.

Эслатиб ўтамиз, бундан аввалроқ Фирминога А Сериянинг бошқа бир клуби – “Интер” жиддий қизиқиш билдираётгани ва томонлар музокаралар жараёнида экани айтилган эди.

Роберто Фирмино жорий мавсум “Ливерпуль” сафида 29 та ўйинда 10 та гол ва 5 та голли узатмани амалга оширди.