Флик “Барса” бўйича якуний қарорга келди

“Барселона”ни қаторасига иккинча маротаба Испания чемпионатига айлантирган германиялик мутахассис Ханс-Дитер Флик келажаги бўйича бир қарорга келди.

Машҳур мураббий каталонияликлар билан амалдаги ҳамкорликни узайтирадиган бўлди. Томонлар ҳамкорликни давом эттириш бўйича барча шартларни тўлиқ келишиб олган.

Янги шартнома 2028 йил ёзигача амал қилади ва яна бир мавсумга узайтириш имкониятини ҳам ўз ичига олади. Ханс-Дитер Флик янги битим ҳақидаги қарорини шахсан тасдиқлади:

- Мен “Барселона” билан янги шартнома имзолайман, - деди мураббий.

Бу ҳақда журналист Флориан Плеттенберг хабар берди.

Ҳозирги шартнома 2027 йил ёзигача амал қилади. Расмий эълон кейинроқ берилиши айтилмоқда.

“Барселона” бу мавсум Испания чемпионлигини муддатидан олдин қўлга киритди. Жамоа 91 очко билан Ла Лига жадвалида пешқадам бўлиб турибди. Мадриднинг “Реал” клуби эса 77 очко билан иккинчи ўринни эгаллаб турибди. Чемпионат тугашига яна уч тур қолган.