Флик "Барселона"нинг икки муҳим футболчисини таркибга киритмайди

"Барселона" бош мураббийи Ханс-Дитер Флик Рональд Араухо ва Рафинья Ла Лиганинг навбатдаги ўйинида "Осасуна"га қарши майдонга тушиши мумкинлиги ҳақидаги саволга жавоб берди.

- Рафинья ва Араухо ўйнамайди. Улар узоқ парвоз қилишлари керак, бу эса тикланиш учун йўл қўймайди. Рональд сўнгги ўйинда иштирок этмади, бироқ жароҳатидан сўнг машғулот ўтказгани яхши бўлди. Уларнинг кейинги ўйинга қандай тайёргарлик кўришларини кўрамиз, - деди Флик матбуот анжуманида.

​Аввалроқ қолдирилган ўйин 27 март, пайшанба кунига белгиланган эди. Араухо ва Рафинья Уругвай ва Бразилия терма жамоалари таркибидан кеч қайтишади.