Флик кўп гол ураётган футболчининг камчилигини айтди

«Барселона» бош мураббийи Ханс-Дитер Флик жамоа яримҳимоячиси Фермин Лопеснинг ўйини ҳақида фикр билдирди.

— Ферминда жуда катта энергия бор. Мен унинг тўпни янада яхшироқ назорат қилишини истардим, аммо у ҳали ёш, — дея Фликнинг сўзларини келтиради Barça Universal нашри.

Жорий мавсумда 23 ёшли Лопес Испания Ла Лигасида тўртта ўйинда майдонга тушди, тўртта гол урди ва икки марта голли пас берди.

Ҳозирча «Барселона» чемпионат жадвалида пешқадамлик қилмоқда — жамоа тўрт турдан сўнг 12 очко жамғарган.

9 сентябрь куни Флик шогирдлари УЕФА Чемпионлар Лигаси умумий босқичи биринчи турида «Фейеноорд»ни қабул қилади.