Флик: "Ямал "Челси"га қарши ўйинни унутиши керак"

"Барселона" бош мураббийи Ханс-Дитер Флик Ламин Ямални "Челси"га қарши (0:3) ўйиндаги вазиятга ортиқча берилиб қолмасликка чақирди.

"Ламиннинг кайфияти яхши. Алмаштирилгандан кейин кўплаб футболчилар норози бўлади. Мен ҳам футболчи бўлганман ва баъзан нотўғри реакция қилган пайтларим бўлган — бу оддий эмоциялар.

Мен Кукурельяни дунёдаги энг яхши чап ҳимоячилардан бири деб ҳисоблайман. Унга қарши ўйнаш осон эмас: у ақлли, тўғри жойлашади ва яхши ҳимоя қилади.

Энди Ламин учун муҳим қадам — шу ўйинга ёпишиб қолмаслик, уни унутиб, олдинга қараш. Энг асосийси — "Алавес"га қарши учрашув. У ўша ўйинда ўзининг энг яхши ўйинини кўрсатиши керак", — деди Флик.