Флик: "Ямал тарихдаги энг кучли футболчилардан бирига айланиши мумкин"

"Барселона" бош мураббийи Ханс-Дитер Флик ёш иқтидор соҳиби Ламин Ямал ҳақида ўз фикрларини билдирди.

"Ламин – мутлақо гений. Айниқса унинг ёшини ҳисобга олсак. 18 ёшидаёқ у ўйин тақдирини ҳал қилаяпти.

У тўғри йўлда кетмоқда ва жуда ақлли. Албатта, у ҳали жуда ёш ва бошқалардан ўрганиши керак. Биз уни қўллаб-қувватлаймиз. Ишончим комилки, у футбол тарихидаги энг яхши ўйинчилардан бирига айланади", – деди Флик "Bild" мукофотини қабул қилиш чоғида.