Формула-1. "Хаас" 2026 йилги болидини тақдим этди (Фото)

Американинг "Хаас" жамоаси Формула-1'нинг 2026 йилги мавсуми учун болид дизайнини намойиш этди.

 Эслатиб ўтамиз, "Қироллик пойгалари"нинг ўтган мавсумида "Хаас" конструкторлар кубогида саккизинчи ўринни эгаллаган эди. Америка жамоаси 79 очко жамғарган. Кубокни "Макларен" (833 очко) қўлга киритди. Янги мавсумда жамоа шарафини британиялик Оливер Берман ва франциялик Эстебан Окон ҳимоя қилади - улар ўтган йили ҳам жамоадош сифатида Формула-1'да иштирок этишган эди.

Маълумот ўрнида, эртага 20 январь куни "Ауди" ўзининг биринчи болидини оммага тақдим этади.