Франция ҳудудида "Аталанта" иштирокидаги ўйинларни намойиш этиш тақиқланди

BeIN Sports телекомпанияси “Аталанта” иштирокидаги ўйинларни ҳозирча Францияда кўрсатилмаслигини эълон қилди. Бунга мамлакат қтисодиёт, молия ва саноат вазирлигининг янги тақиқи сабаб бўлди.

Тақиқ “Аталанта”нинг титул ҳомийси Кипрда жойлашган Plus 500 савдо платформаси эканлиги билан боғлиқ. Чунки Бергамо клуби ҳомийси Францияда "хавфли молиявий шартномалар билан боғлиқ инвестиция хизматларини" таклиф қилади, деб ишонилади.

Айтиш жоизки, BeIN Sports “Аталанта” ўйинлари Францияда яна намойиш этилиши учун ечим топишга ҳаракат қилмоқчи.

“Аталанта” айни дамда А Серия турнир жадвалида 5-ўринни эгаллаб турибди.