Франциянинг мураббийи ҳам рекорд ўрнатди

Франция миллий терма жамоаси бош мураббийи Дидье Дешам жаҳон чемпионатлари тарихида янги рекорд ўрнатди. У турнирдаги 17-ғалабасини қўлга киритиб, ушбу кўрсаткич бўйича мутлақ рекордчига айланди.

Бунгача жаҳон чемпионатларида энг кўп ғалаба қайд этган мураббий Ҳельмут Шён эди. У Германия Федератив Республикаси (ГФР) терма жамоасини бошқарган ва унинг ҳисобида мундиаллардаги 16 та ғалаба бор эди.

57 ёшли Дешам Франция терма жамоасини 2012 йилдан буён бошқариб келмоқда. Унинг раҳбарлигида Франция 2018 йилда жаҳон чемпиони, 2022 йилда эса жаҳон чемпионатининг кумуш медали соҳиби бўлган.

2026 йилги жаҳон чемпионати АҚШ, Мексика ва Канадада ўтказилмоқда. Турнир 11 июнда бошланиб, 19 июлда якунланади. Амалдаги жаҳон чемпиони — Аргентина терма жамоаси бўлиб, у 2022 йил Қатарда бўлиб ўтган финалда Францияни пенальтилар сериясида мағлуб этган эди.