Фред: "Миш-мишларга эмас, қўллаб-қувватлашга муҳтожмиз"

"Манчестер Юнайтед" футболчиси Фред янги мавсум олдидан ўз фикрларини билдириб ўтди. Унинг таъкидлашича, айни пайтда жамоа атрофида айтилаётган миш-мишларга барҳам бериш керак. 

"Манчестер Юнайтед" - ўзига хос жамоа. Дунёдаги энг йирик клублардан бири. 

Ҳозирда биз ҳақимизда ҳамма ерда ёзишмоқда. Ҳар қадамда миш-мишлар пайдо бўлмоқда. Ўйлашимча, бунга чек қўйиш керак.

Бу ҳолат кийиниш хонасидаги айрим йигитларга салбий таъсир ўтказиши мумкин. Тўғри, ўтган мавсум яхши натижа қайд эта олмадик. Аммо ҳозир биз миш-мишларга эмас, қўллаб-қувватлашга муҳтожмиз", - деди бразилиялик футболчи.