Фридель: "Тоттенхэм" ЕЧЛда чемпион бўлиши мумкин

"Тоттенхэм"нинг собиқ дарвозабони Бред Фридель "шпорлар"нинг Чемпионлар лигасида чемпион бўлишини тахмин қилди.

"Ажойиб ва фантастик ўйин бўлди. "Манчестер Сити" ўз майдонида тўп сурди. "Тоттенхэм" эса бундан асло чўчигани йўқ. Улар характер кўрсатди ва ярим финалга ҳақли равишда йўл олди.

Ўйлашимча, ярим финалда "Тоттенхэм"га осон бўлмайди. Бироқ улар бу турнирда катта тажриба олишган. Менинг фикрича, клубда Чемпионлар лигасида чемпион бўлиш учун имконият етарли", - дейди АҚШлик собиқ дарвозабон.