Футбол агенти Мбаппени қайси жамоалар олишга қодирлигини айтди

Таниқли футбол агенти Бруно Сатин ПСЖ ҳужумчиси Килиан Мбаппени трансфер қилиш ҳар қандай клубнинг қўлидан келмаслигини айтди.

- Мбаппенинг ҳақиқий нархини айтиш қийин. Менинг фикримча, бугунги кунда давлатга қарашли бўлмаган клублар бир футболчи учун 170 миллион фунт (200 миллион евро) тўламайди.

Ҳисоб-китобларимга қараганда, айни пайтда фақатгина “Манчестер Сити”, “Ньюкасл” ва “Реал” талаб қилинаётган суммани ўтказиб беришга қодир.

Мен Мбаппенинг ҳаққоний нархи 85-130 миллион фунт орасида, деб ҳисоблайман. Нарх бонуслар билан 170 миллион фунтга кўтарилиши мумкин, - деди Бруно Сатин.