Футболчилар: Левандовски йўқолсин!

The Athletic нашри “Бавария” футболчиларига жамоа етакчи тўпурари Роберт Левандовскининг ўзини тутиши умуман ёқмаётгани ҳақида маълум қилди.

Манбанинг таъкидлашича, жамоада муҳит бузилган. Ўйинчилар польшалик ҳужумчи шу ёзнинг ўзида жамоадан кетиши кераклигини талаб қилмоқда.

“Бавария” футболчиларига Робертнинг майдонда худбинлик қилиши ва ундан ташқарида оммавий ахборот воситаларига билдираётган фикрлар ёқмаяпти.

Польша терма жамоаси ҳужумчисининг мюнхенликлар билан яна бир йиллик шартномаси бор. Бироқ Левандовски клуб хўжайинларининг муносабатидан норози ва жамоани тезроқ тарк этмоқчи.