Футзал Осиё кубоги. Сўнгги ярим финалчи номи ҳам маълум

Индонезияда бўлиб ўтаётган Осиё кубогининг сўнгги чорак финал учрашуви якунига эди. Куннинг охирги баҳсида мезбон Индонезия терма жамоаси Вьетнам билан паркетга чиқди. Учрашувда мезбонлар биринчи бўлимнинг ўзида 2:0 ҳисобида олдинга чиқиб олганди, иккинчи бўлимда Вьетнам орадаги фарқни биттага қисқартирди. Бироқ Индонезия яна гол уриб ҳисобни 3:1 кўринишига етказди. Вьетнам гол уриб яна ҳисобни қисқартирди. Аммо ҳисобни тенглаштиришга вақт етмади ва Индонезия ярим финал йўлланмасини қўлга киритди.

Шу тариқа, Индонезия финал йўлида Япония билан баҳс олиб боради.