Фузайлов Тожикистон U-17 терма жамоаси бош мураббийи этиб тайинланди

Тожикистон U-17 терма жамоасига янги бош мураббий тайинланди. Ушбу лавозимда ишлаб келган Зайниддин Раҳимов ўрнига Раҳматилло Фузайлов бош мураббий сифатида иш бошлади.

Бунга қадар Фузайлов ЦСКА, “Куктош”, “Истаравшан” ва “Равшан” (Зафарабод) клубларни бошқарган. Шунингдек, Тожикистон U-20 ҳамда U-23 терма жамоаларида бош мураббий ёрдамчиси сифатида ҳам ишлаган.

Маълумот учун шуни айтиш жоизки, Раҳматилло Фузайлов “Бухоро” клуби бош мураббийи Ҳаким Фузайловнинг укасидир. Кичик Фузайлов футболчилик фаолияти мобайнида “Нефтчи”, “Бухоро” ва “Динамо” клубларида тўп сурган.