Fyodor Emelyanenkoning ukasi bir yarim yilga qamaldi

Rossiyalik mashhur MMA jangchilari Fyodor va Aleksandr Emelyanenkolarning ukasi Ivan Emelyanenko Rossiya Federatsiyasi Jinoyat kodeksining 111-moddasi 1-qismi (“Qasddan badanga og‘ir shikast etkazish”) bo‘yicha aybdor deb topildi. Bu haqda sportchining advokati Sergey Karpeev ma’lum qildi.

“Staryy Oskol shahar sudi Ivanni bir yil-u olti oyga ozodlikdan mahrum qildi. Biz hukm ustidan shikoyat qilamiz" - deya advokatning so‘zlarini keltirdi "Match TV".

Eslatib o‘tamiz, 2024 yilning yozida Staryy Oskolda Ivan notanish ayolni himoya qilaman deb, bir erkakni yuziga qattiq shikast etkazgan.