"Ғалаба голимиз ҳам чиройли, ҳам муҳим бўлди" - ниҳоят, Колосовский уддалади

Ниҳоят, "Металлург" клуби Суперлиганинг 19-турига келиб чемпионатдаги дастлабки ғалабасини қўлга киритди. Аммо бу ғалаба "Пахтакор"га қарши ўйинда қўлга киритилишини ҳеч ким кутмаган бўлса керак. Учрашувдан кейинги матбуот анжуманида "Металлург" бош мураббийи Григорий Колосовский шундай деди:

"Албатта “Пахтакор”га қарши ўйинлар осон ўтмайди. Биринчи бўлим гол ўтказиб юбордик ва бу бизга қатор қийинчиликларни олиб келди. Иккинчи бўлимда фаолликни оширдик.

Биласизми, биз бу ўйинга мураббийлар штаби, раҳбарият билан жуда пухта ҳозирлик кўргандик. Ишлаб чиққан режаларимиз иш берганидан хурсандмиз. Ўйинни назорат қилишга интилдик. Ғалаба голимиз ҳам чиройли, ҳам муҳим бўлди. Қийин ўйин, рақибдан келиб чиқсак, бу аввалдан маълум эди. Ғалаба бизга навбатдаги ўйинлар олдидан қўшимча иштиёқ тақдим этса, ажаб эмас".