"Галатасарой" ва "Рома" ўзаро ўртоқлик ўйини ўтказади. Ундан тушган пул зилзиладан жабр кўрганларга хайрия қилинади
Туркиянинг "Галатасарой" ва Италиянинг "Рома" клублари ўзаро ўртоқлик ўйинида майдонга тушади. Бу ҳақда турк жамоаси ўзининг расмий сайти орқали хабар берди.
Учрашувдан тушган маблағнинг барчаси Туркияда зилзиладан жабр кўрганларга хайрия сифатида тарқатилади. Ҳозирча бу ўйиннинг аниқ санаси ва қаерда бўлиб ўтиши эълон қилинмади.
Маълумот ўрнида, Туркияда бўлиб ўтаётган зилзила оқибатида ҳалок бўлганлар сони 14 мингдан ошди. Жабрланганлар 63 мингдан зиёд экани қайд этилмоқда.
Фикрлар