Гарначо учун курашга Италия клуби ҳам қўшилди

“Манчестер Юнайтед” футболчиси Алехандро Гарначога бир қанча топ клублардан қизиқишлар бўлмоқда. Курашга “Ювентус” ҳам қўшилди, дея хабар берди “The Independent” нашри.

Аргентиналикнинг “қизил иблислар” билан амалдаги шартомаси 2024 йилда ўз якунига етади. Манбанинг таъкидлашича, унинг агенти билан клуб янги битим борасида келиша олмаяпти.

Маълумот учун, Гарначо ушбу мавсум барча чемпионатларда 18 та ўйинда майдонга тушиб, 3 та гол урди ва 6 та ассист амалга оширди.