Германия – Япония. "Самурайлар" ҳисобда олдинга ўтиб олди! (матнли трансляция)

Жаҳон чемпионати 1-туридан ўрин олган Германия - Япония учрашуви бошланди. Қуйида ушбу қизиқарли баҳсдан матнли трансляция эътиборингизга ҳавола этилади. 

• 90+7'
  

  Учрашув якунланди! Сенсация. Япония Германияни 2:1 ҳисобида таслим этди

• 90+6'
  

  Бурчак зарбасидан кейин тўп ҳимоячиларга тегиб яна майдон ташқарисига чиқиб кетди.

• 90+5'

  Горецка ҳаводан келаётган тўпни тўхтатмасдан дарвозага йўллади. Ноаниқ

• 90+'
  

  Ўйинга 7 дақиқа қўшиб берилди.

• 89'
  

  Серж Гнабри майдондан олинди. Унинг ўрнида Мукокко ҳаракат қилади

• 86'

  Ўтказиб юборилган икки голдан кейин немислар олдинга ўтишмоқда

• 83'

  Ҳаводан узатилган тўпни ўзига тўғрилаб олган Асано Нойернинг яқин бурчагини аниқ нишонга олди

• 83'
  

  ГООООООЛ! Япония ҳисобда олдинга чиқиб олди!

• 81'

  Бурчак тўпидан кейин Антонио Рюдигер зарба йўллади, анча ноаниқ

• 79'
  

  Германия ўйинни қутқариб қолишга ҳаракат қилиб кўради. Хаверц ва Мусиала майдонни тарк этди. Улар ўрнига Марио Гётце ҳамда Никлас Фуллкруг ҳаракат қилади

• 75'
  

  ГООООООООЛ! Рицу Доан қайтган тўпга биринчи бўлиб етиб борди ва ҳисобни тенглаштирди

• 75'
  

  Яна бир ўзгариш: Хироки Сака ўрнига Минамино майдонга тушди

• 74'

  Бу сафар Хироки Сакаи зарба йўллади, бироз ноаниқ чиқди

• 71'
  

  Японияда навбатдаги ўзгариш: Ао Танака ўз ўрнини Рицу Доанга бўшатиб берди

• 71'
  

  ВУУУУҲ! Япония дарвозабони кетма-кет 4 та супер сейв амалга ошириб жамоасини голдан қутқариб қолди

• 67'
  

  Германия таркибида иккита ўзгариш бўлади: Мюллер ва Гюндоган майдондан олинди. Ула ўрнига Ҳофманн ҳамда Горецка туширлди

• 67'

  Бурчак тўпидан кейин Ко Итакура бош билан зарба йўллади. Тўп ҳимоячига тегиб қайтди

• 66'
  

  Такума Асано жарима майдони ичидан кучли зарба йўллади. Тўп ҳимоячига тегб майдон ташқарисига чиқиб кетди

• 65'
  

  Японияда яхши вазият бўлиши мумкин эди, лекин Ито ўйиндан ташқари ҳолатда қолиб кетди

• 60'

  Германия футболчилари осонликча жарима майдони ичига кириб борди, Гюндоганнинг зарбаси дарвоза устунига тегиб майдон ташқарисига чиқиб кетди

• 56'
  

  Япония таркибида яна ўзгариш бўлади: Маэда ва Наготомо захирга олинди. Уларнинг ўрнига Асано ҳамда Митома ҳаракат қилади

• 53'

  Танаканинг анча ноқулай узатмасидан кейин Тамада ноаниқ зарба йўллади. Япония ҳам олдинга ўтишга ҳаракат қилмоқда

• 49'
  

  Дайзен Маэда рақиб футболчисига нисбатан қўполлик ишлатди

• 47'

  Жарима майдони ичида тўпни қабул қилиб олган Гнабридан кучли зарба, аммо ноаниқ

• 45'
  

  Япония таркибида ўзгариш бўлади: Кубо ўрнига Томияси майдонга туширилди

• 45'
  

  Иккинчи таймга старт берилди

• 45+4'
  

  Биринчи бўлим якунланди. Ҳозирча ҳисоб 1:0

• 45+4'

  Дайзен Маэданинг бош билан йўллаган зарбасига бироз аниқлик етишмади

• 45+2'
  

  Хаверц немисларнинг иккинчи голини урганди, бироқ ҳакам байроқчасини кўтариб офсайд борлигини кўрсатди. 

• 45+'
  

  Биринчи бўлимга 4 дақиқа қўшиб берди

• 41'

  Ажойиб комбинациядан сўнг Киммих жарима майдони ташқарисидан анча кучли, бироқ ноаниқ зарба йўллади

• 37'

  Кубо ҳимоячиларни алдаб ўтишга ҳаракат қилди, аммоа рақиб футболчилари ишончли ўйнамоқда

• 36'
  

  Япония бурчак тўпидан кейин хавфли вазият ярата олмади

• 32'
  

  ГООООООООООЛ! Илкай Гюндоган 11 метрлик нуқтадан зарба йўллашда адашмади

• 31'
  

  ПЕНАЛЬТИ! Ҳакам Германия фойдасига пенальти белгилади. Япония дарвозабони Сюити Гонда рақиб футболчисига нисбатан қоида бузди

• 28'

  Гюндоган жарима майдони ташқарисидан ўз омадини синаб кўрди. Тўп тўғри дарвозабоннинг қўлига бориб тушди

• 24'

  Хаверцда яхши имконият бўлганди, ҳимоячи тоза ўйнаб тўпни олиб қўйди

• 20'
  

  Киммихнинг кучли зарбасини дарвозабон қайтарди. Қайтган тўпга Гюндоган зарба беришга уриниб кўрди, анча ноаниқ. Шунингдек, ҳакам ҳам бу вазиятда Илкай ўйиндан ташқари ҳолатда эканлигини кўрсатди

• 18'

  Антонио Рюдигернинг бош билан йўллаган зарбаси дарвоза тўсинининг ёнгинасидан ўтиб кетди

• 14'

  Киммих жарима майдони ичида тўпни қабул қилиб олди ва зарба йўллади. Ҳимоячи тўп йўлига тўғаноқ бўлди

• 10'

  Германия терма жамоаси футболчилари майда паслар билан ўйнаб, рақибнинг хато қилишини кутмоқда

• 8'
  

  Япония учрашуда тезкор гол урганди бироқ, ҳакам ён байроқчасини кўтариб, офсайд қайд этди

• 5'

  Камаданинг бурчак тўпидан йўллаган зарбасини яна ҳимоячилар қайтарди

• 4'
  

  Итонинг узун пасини рақиб ҳимоячилари қайтаришга эришди. Япония бурчак тўпи тепади

• 1'
  

  Учрашувга старт берилди. Тўпни Флик шогирдлари ўйинга киритиб берди

• 0'

  Ассалому алайкум қадрли футбол мухлислари. Бироздан кейин Германия ва Япония ўртасидаги баҳс старт олади