Germaniyaning eng zo‘r futbolchisi Husanov jamoasiga o‘tishga rozi bo‘ldi

“Manchester Siti” rahbariyati yanvarda boshlangan islohotlarni yozgi transferlar oynasi davrida ham davom ettirib, tarkibga yangi ijrochilarni jalb qiladi.

Xosep Gvardiola nishonidagi o‘yinchilardan biri “Bayer” etakchisi Florian Virts hisoblanadi.

TBR Football nashri jurnalisti  Grem Beylining yozishicha, 21 yoshli futbolchining agentlari “Manchester Siti” mutasaddilariga transferni amalga oshirish imkoni borligi haqida ma’lum qilgan.

Besh yildan beri asosiy jamoa a’zosi hisoblangan Virtsning amaldagi shartnomasi yakunlanishiga yana ikki yil bor. Biroq manbaga ko‘ra, futbolchi muhitni o‘zgartirishga va sovrinlar uchun kurashadigan qudratli jamoaga o‘tishga tayyor.

Xosep Gvaridiola Florian Virtsni jamoani tark etishi kutilayotgan Kevin de Bryuyne o‘rnida o‘ynatishni rejalashtirmoqda. Nemis pleymeykeri ham o‘z kuchini Angliya Premer-ligasida sinab ko‘rishga qarshi emas.