"GFC 30" турнирида Авлиёхон Ҳамидов ўз жангини ўтказди

Айни дақиқаларда Россиянинг Москва шаҳрида “GFC 30” турнири давом этмоқда. Мазкур жанг кечасида ҳамюртимиз Авлиёхон Ҳамидов ҳам октагонга кўтарилиши ҳақида маълумот берган эдик. У бир неча соат аввал, мезбон Октябрин Яковлевга қарши жанг қилди. Қувонарлиси, бутун жанг мобайнида катта устунликка эришган ҳамюртимиз ҳакамларнинг якдил қарорига кўра, ғалаба қозонди. 

Ушбу ғалаба юртдошимизнинг фаолиятидаги 9-муваффақияти бўлди. Шунингдек, 3 мағлубият ва бир дуранг ҳам қайд этган. 

Эслатиб ўтамиз, Ҳамидов GFC промоушенида иккинчи жангини ўтказди. Биринчиси эса Тошкентда ташкил қилинган "GFC 20" турнирида рўй берган ва унда тажрибали бразилиялик Луис Филони мағлуб этганди.