Годин янги мавсумни "Интер"да бошлайди

Мадриднинг "Атлетико" клуби ҳимоячиси Диего Годин фаолиятини "Интер"да давом эттиради.

ESPN тарқатган хабарга кўра мавсум якунлангач шартномаси якунланадиган 33 ёшли уругвайлик футболчи “нерадзуррилар” сафига эркин агент сифатида кўчиб ўтади. Маълумотларга қараганда у “Интер” билан 3 йиллик шартнома имзолайди.

Эслатиб ўтамиз, Диего Годин “Атлетико” сафида 2010 йилдан буён тўп суриб келмоқда. У жорий мавсум “матрасчилар” таркибида жами 33та ўйинда майдонга тушди ва ўз ҳисобига 4та гол ҳамда 3та голли узатма ёздириб қўйишга эришди.