Гранд клуб "Сити"дан зўр ўйинчини олиб кетмоқчи

Туриннинг «Ювентус» жамоаси ёзги трансфер бозорида ҳужум чизиғини кучайтириш устида иш олиб бормоқда ва бу борада Англия премьер-лигасига назар қаратди. La Stampa нашрининг ёзишича, «бьянконери» 27 ёшли «Манчестер Сити» форварди Умар Мармуш хизматларига жиддий қизиқиш билдирмоқда.

Маълумотларга кўра, италиялик клуб раҳбарияти ҳозирча «Манчестер Сити» томонидан футболчини ижарага қўйиш эҳтимолини ўрганмоқда.

Шунингдек, Миср терма жамоаси ҳужумчисининг номзоди «Ювентус» бош мураббийи Лучано Спаллетти томонидан юқори баҳоланаётгани таъкидланмоқда.

2025/2026 йилги мавсумда Мармуш «шаҳарликлар» сафида барча мусобақалар доирасида 36 та ўйин ўтказиб, 8 та гол урди ва 3 та голли пас муаллифига айланди. 

«Ювентус» Умар Мармуш билан бир қаторда Рандал Коло Муани ва Александр Сёрлотни ҳам эҳтимолий янги ҳужумчи сифатида кўриб чиқмоқда.