Грандлар нишонидаги юлдуз жамоада қолиши мумкин

Ярим ҳимоячи Деклан Райс янги мавсумда ҳам "Вест Хэм"да қолиши мумкин. Аввалроқ, футболчининг хизматларига “Челси” қизиқиши билдиргани ҳақида хабарлар тарқалган эди. Бироқ, журналист Низар Кинселланинг маълумотларига кўра, "аристократлар" футболчини ортга қайтаришга шошилмаяпти. “Кўклар” футболчини 2023 йилнинг ёзида сотиб олишни мўлжалламоқда.

"Вест Хэм" ярим ҳимоячининг трансфери учун 160 миллион евро сўрамоқда. Англиялик футболчининг клуб билан шартномаси 2024 йилда тугайди, шунинг учун "болғачилар" уни бир йилдан кейин текинга йўқотмаслик учун кейинги ёзда уни арзонроққа сотишга мажбур бўлиши мумкин.

Райсга "Манчестер Юнайтед" ва "Манчестер Сити" ҳам қизиқиш билдирмоқда. Декланнинг ўзи эса “Стэмфорд Бриж”га қайтишни хоҳламоқда.

Маълумот ўрнида, футболчи “Челси” академияси тарбияланувчиси ҳисобланади.