Гулер "Реал" сафида қачон дебют қилиши мумкинлиги маълум бўлди

"Реал" бош мураббийи Карло Анчелотти, ўтган ёзда жамоага келиб қўшилган, аммо жароҳати туфайли "қироллик клуби"да бирорта ҳам ўйин ўтказмаган 18 ёшли ҳужумкор ярим ҳимоячи Арда Гулер қачон дебют қилиши мумкинлигини айтди.

Италиялик мутахассиснинг сўзларига кўра, туркиялик футболчи эртага, 6 январь куни Испания кубогининг 1/16 финал босқич доирасида "Арандина"га қарши бўладиган баҳсда иштирок этиши мумкин.

"Арда Гулер ўзини яхши ҳис қилмоқда, у машғулотларда яхши ишлаяпти. У эртанги ўйинда асосий таркибда майдонга тушиши мумкин", - дея Анчелоттининг сўзларидан иқтибос келтирган журналист Фабрицио Романо ўзининг ижтимоий тармоқдаги саҳифасида.