Гвардиола – футбол оламининг энг катта фирибгари

Twitter тармоғида “Манчестер Сити” бош мураббийи Хосеп Гвардиоланинг обрўсини тўкадиган пост айланмоқда. Бу мақолага “Футбол менежменти тарихида энг катта фирибгарлардан бири Хосеп Гвардиоланинг қилмишлари очилади” қабилида сарлавҳа қўйилган.

Ушбу мақолада Гвардиоланинг “Барселона”, “Бавария” ва “Манчестер Сити” жамоаларидаги “ишлари”, ўта катта миқдордаги трансферлари ҳақида гап боради.  

- Охир-оқибат Гвадиола “Манчестер Сити”га Чемпионлар лигасини ютиш учун олиб келинган. Лекин унинг кўрсаткичлари ўзидан олдинги мураббийникидан ўтиб кетгани йўқ. У футбол тарихидаги энг қиммат жамоани тўлаган бўлса-да, вазифани бажара олмаяпти. Гвардиола ютқазиб бўлмайдиган шароитдагина ғалаба қозона олади, - дейилади постда.

Чемпионлар лигасидаги муваффақиятсизликдан сўнг, Гвардиоланинг “Манчестер Сити”дан кетиши ҳақида хабарлар ҳам тарқалганди. Лекин “шаҳарликлар” раҳбарияти унга ишонч билдиришда давом этишини маълум қилиб, янги кўп йиллик шартнома таклиф қилишга қарор қилган.