Гвардиола Агуэро ўрнига уч юлдуздан бирини олади

Серхио Агуэронинг кетишини инобатга олган Хосеп Гвардиола унинг ўрнига суперҳужумчи олишни мақсад қилган.

“Манчестер Сити” бош мураббийи ёзги трансферлар вақтида олиб келинадиган футболчилар рўйхатига “Интер” вакиллари – Ромелу Лукаку, Лаутаро Мартинес ва “Боруссия” ҳужумчиси Эрлинг Холандни ҳам киритди.

Трансфер нархи 100 миллион евро атрофида баҳоланаётган бу футболчилар орасида Мартинесни қўлга киритиш нисбатан осонроқ. Ромелу Лукаку яқинда Англияга қайтиш нияти йўқлигини таъкидлаган бўлса, Лаутаро Миландан кетмоқчи бўлиб юрибди.

Эрлинг Холанд эса кўплаб грандлар нишонида. Хусусан, “Челси” хўжайини Роман Абрамович ёзда норвегиялик ҳужумчини олиш учун пулни аямаслиги ҳақида хабарлар тарқатилмоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Минбар

Барча блоглар