Гвардиола: АПЛда ғалаба қозониш тобора қийинлашиб бормоқда

"Манчестер Сити" клуби бош мураббийи Хосеп Гвардиола жамоаси янги мавсумда ҳам АПЛ чемпионлиги учун асосий фаворит эканлиги ҳақида ўз фикрини айтди.

Таъкидлаш керакки, “шаҳарликлар” кетма-кет тўрт мавсумдан буён Англия Премьер-лигаси чемпионлигини ҳеч кимга бермай келмоқда.

“Бизни фаворит деб аташларини қабул қилишимиз керак. Еттитадан олти марта, кетма-кет тўрт марта ғолиб бўлганингиздан сўнг бундай гап-сўзлар мутлақо нормал ҳолат. Мен ушбу ҳолатда нима қилиш кераклигини биламан. Биз бирин-кетин ғалаба қозонишимиз, очколарни қўлга киритишимиз керак, аммо тобора бунга эришиш қийинлашиб бормоқда”, - деди испаниялик мутахассис City Xtra нашрига берган интервьюсида.

“Манчестер Сити” Англия Премьер-лигасининг янги 2024/25 йилги мавсум биринчи турини сафарда “Челси”га қарши ўтказади. Ушбу ўйин бугун Тошкент вақти билан соат 20:30 да бошланади.