Гвардиола “Барса” юлдузини қўлга кирита оладими?

“Манчестер Сити” бош мураббийи Хосеп Гвардиола “Барселона” етакчиларидан Сержи Бускетсни ўз жамоасига таклиф қилмоқчи.

Бу ҳақда El Nacional нашри хабар тарқатди.

Манбанинг маълум қилишича, Хосеп Гвардиола 33 ёшли футболчи майдон марказини кучайтиришига ишонч билдиряпти.

Бускетс бутун фаолиятин Каталонияда ўтказган. 2008 йилдан бери “Барселона” шарафини ҳимоя қилиб келаётган ярим ҳимоячининг клуб билан амалдаги шартномаси мавсум охирида якунланади.  

Бускетс жорий мавсумда барча турнирларда 28 та учрашувда қатнашиб, рақиблар дарвозасини бир бор аниқ нишонга олди.