Гвардиола ҳайратда! У бу ҳақда эшитмаганди

"Манчестер Сити" бош мураббийи Хосеп Гвардиола жамоа сардори Фернандиньонинг мавсум охирида клубни тарк этишини эълон қилганидан ҳайрон бўлди.

"Билмадим. Бу мен учун янгилик бўлди. Бу ҳақда эшитмагандим. Кўрамиз, мавсум охирида нима бўлади. Нима бўлишини мен билмайман", - деди испаниялик мутахассис BBC Sport га берган интервьюсида.

Эслатиб ўтамиз, аввалроқ бразилиялик футболчи кўпроқ ўйин амалиётига эга бўлмоқчилиги учун мавсум охирида жамоани тарк этишини айтган эди.

Фернандиньо 2013 йилдан буён “Манчестер Сити” сафида тўп суриб келмоқда. У ўтган давр мобайнида “шаҳарликлар” билан бирга 13 та соврин қўлга киритди.