Гвардиола: "Камп Ноу"даги мағлубият "Ливерпул"га таъсир ўтказмайди

"Манчестер Сити" клуби бош мураббийи Хосеп Гвардиола "Барселона"дан учралган мағлубият АПЛда чемпионлик учун курашаётган "Ливерпул"га таъсир ўтказмаслигини айтди.

“Камп Ноу”да учралган мағлубият “Ливерпул”га таъсир ўтказмайди деб ўйлайман. Шу куни яхши учрашув бўлди, ҳар иккала жамоа ҳам ажойиб ўйнади. Уларнинг баҳсини томоша қилиш менга жуда ёқди.

“Барселона” шу куни ажойиб ҳимояланди ва кучли жамоани мағлубиятга учратди. “Ливерпуль” эса ўзининг кўрсатган ўйинидан фахрланса арзийди. Чунки, улар дунёдаги энг қийин стадионда муносиб ўйнади ва характер кўрсатди”, - дейди Гвардиола.

Эслатиб ўтамиз, “Ливерпуль” шу куни 3:0 ҳисобида “Барселона”га ютқазиб қўйди.