Гвардиола катта трансферларни тасдиқлади

“Манчестер Сити” таркиби бугунги кунда жаҳон футболида энг кучлиси ҳисобланади. Бироқ, жамоани муаффақиятли бошқариб келаётган Хосеп Гвардиола ўзи орзу қилаётган Чемпионлар лигасини ютиш учун жамоанинг ҳар бир чизиғини янада кучайтиришни режалаштирган.

Биринчи навбатда, манчестерликлар тўпурар ҳужумчи олишга эътибор қаратади. Асосий нишон – Эрлинг Холанд. Захира вариантлари сифатида “Ювентус”дан Пауло Дибала, “Атлетико”дан Жоау Феликс эътироф этилмоқда.

Майдон марказини кучайтириш учун Деклан Райс (“Вест Хэм Юнайтед”), Орельен Чуамени (“Монако”), Матеус Нуньес (“Спортинг”) ва Маттиас Сванберг (“Болонья”) каби ўйинчилар рўйхатга киритилди.

Чап қанот ҳимоясини мустаҳкамлашга Тайрик Митчелл (“Кристал Пэлас”) Аарон Хикки (“Болонья”) ва Абнер Винисиус (“Атлетико Паранаенсе”) кўрсатилган.