Гвардиола: “Мен Ямалга мураббийлик қилишни жуда хоҳлардим”

"Манчестер Сити" бош мураббийи Хосеп Гвардиола "Барселона"нинг ёш юлдузи Ламин Ямалга устозлик қилиш истагини билдирди.

"Мен Ямалга мураббийлик қилишни жуда хоҳлардим. У энг яхши футболчи бўлиши учун энг яхши клубда ўйнамоқда. Ламин мухлисларга ҳар уч кунда, 15 йил давомида ўзини исботлаши керак бўлади", — деди испаниялик мутахассис.

Маълумот учун: 18 ёшли футболчи ҳозирга қадар “кўк-анорранглилар” сафида 108 ўйинда майдонга тушиб, 26 та гол ва 37 та ассист қайд этган. Унинг "Transfermarkt" порталидаги трансфер нархи 200 миллион еврога баҳоланган ва у дунёнинг энг қиммат футболчиси ҳисобланади.