Гвардиола Моуриньодан узр сўрашни талаб қилмоқда

“Манчестер Сити” Спорт арбитраж судида УЕФАнинг жамоани икки йилга Европа Чемпионлар лигасидан четлатиш қарорини бекор қилишга эришган эди.  

УЕФА қарорининг бекор қилинишига нисбатан “Тоттенхэм” бош мураббийи Жозе Моуриньо истеҳзо билан фикр билдириб, вазиятни шармандали деб, танқид остига олганди.

- Биз кейинги мавсумда Чемпионлар лигасида ўйнаймиз, чунки ҳаммасини тўғри қилганмиз. Агар бирор хатога йўл қўйганимизда УЕФА қарорини қабул қилардик. Қатор кучли клублар биз Чемпионлар лигасига қайтганимиздан безовта бўлганини ҳам биламан. УЕФА қарорини шармандали, деб ҳисоблаган айрим одамлар биздан узр сўраши керак, - деди Гвардиола.