Гвардиола сирини очди

"Манчестер Сити" бош мураббий Хосеп Гвардиола муваффақиятли жамоа шакллантириш сирини очди.

“Қайсидир мавсумда нимадир ютиб олиш мумкин, аммо йиллар давомида барқарорликни сақлаб қолишнинг фақат битта сири бор - сизга сифатли футболчилар керак. Ўз даражамизда узоқроқ туриш учун иложи борича яхши ўйинчиларни сотиб олишга ҳаракат қиламиз”, - деди испаниялик мутахассис.

“Манчестер Сити” 33 турдан сўнг АПЛ мусобақа жадвалида яққол пешқадамлик қилмоқда ва муддатидан аввал чемпион бўлиш арафасида турибди.

“Шаҳарликлар” бундан ташқари Париждаги ғалабадан сўнг УЕФА Чемпионлар лигаси финалига чиқиш учун жуда яхши имкониятга эга бўлиб олди.