Гвардиола

“Манчестер Сити” бош мураббийи Хосеп Гвардиола мавсум якунлангач жамоадан кетишини эълон қилган ҳужумчи Серхио Агуэро ҳақида гапирди.

“Ҳали у билан яна икки ой бирга ишлаймиз. Бугун машғулотларда мен унинг қанчалик яхши эканлигини ва меҳнаткашлигини кўрдим.

Серхионинг ўрнини ҳеч ким боса олмайди. Статистик маълумотларга кўра, унинг ўрнини босадиган футболчи 360 та ўйинда майдонга тушиши ва 250 дан ортиқ гол урган бўлишива кўплаб унвонларга эга бўлиши керак. Шундай экан унга ўринбосар топиш осон бўлмайди.

У бу клубда ўйнаган энг яхши ҳужумчи. У – афсона. У буюк инсон ва агар у бундан кейин ҳам олдинга интилишда давом этса, у ҳолда ўз фаолиятини камида яна 2, 3, 5 йилга узайтириши мумкин.

Агуэро клубнинг янги босқичга чиқишига ёрдам берди. Шунинг учун ҳам жамоадаги ҳамма ундан доимо миннатдор бўлади”, - деди Гвардиола.

Матнда хатолик топсангиз, ўша хатони белгилаб, бизга жўнатинг (Ctrl + Enter)