Гвардиола: Узоқ юртлардан иккита зўр ўйинчи олиб келаман!

“Манчестер Сити” мутасаддилари Аргентина футболи тарбияланувчиларини Европага жалб қилишни давом эттиради.

Яқинда “шаҳарликлар” истеъдодли ҳужумчи – “Ривер Плейт” тўпурари Хулиан Альваресни трансфер қилганди.  Энди Хосеп Гвардиола яна икки футболчининг трансферини маъқуллагани айтилмоқда.

Таниқлик журналист Экрем Конурнинг хабар беришича, “Манчестер Сити” раҳбарияти  “Бока Хуниорс”нинг икки вакили – 17 ёшли ҳимоячи Валентин Барко ва ҳужумчи Эсекель Себальосни нишонга олган. Ҳар икки ўйинчи учун манчестерликлар 6,2 миллион евро тўлавоқчи.

“Бока Хуниорс” мутасаддилари эса, ўз ўйинчиларини “кўҳна қитъа”га қўйиб юборишга қарши эмас.