Гвардиола: Вальверденинг

“Манчестер Сити” клуби бош мураббийи Пеп Гвардиола “Барселона” устози Эрнесто Вальверде ҳақида гапириб ўтди.

“Дўстлигимизни инобатга олмай гапирганда, Вальверде ажойиб мураббий. Эрнесто жуда яхши ишларни амалга оширди. У Чемпионлар лигасида мағлуб бўлди, бироқ бу ҳаммада содир бўлиши мумкин.

У кетма-кет икки карра Испания чемпиони бўлган ва ажойиб ўйин кўрсатаётган жамоани бошқармоқда. Унинг жамоада қолишидан хурсандман. “Барселона” ўз услубига содиқ қолишда давом этмоқда”, - дейди Гвардиола.

Эслатиб ўтамиз, бундан аввалроқ “Барселона” раҳбарияти Чемпионлар лигаси ва Испания кубогидаги муваффақиятсизликлардан сўнг Вальвердени истеъфога чиқариши ҳақида хабарлар тарқалган эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)