Гвардиола Холанднинг нега майдонга туширилмаганига изоҳ берди

"Манчестер Сити" бош мураббийи Хосеп Гвардиола футболчи Эрлинг Холанднинг "Лутон Таун"га қарши нима учун асосий таркибда майдонга туширилмаганига изоҳ берди. 

"Унинг оёқ суяклари бироз шикастланган. Охирги баҳсда бу сезилганини унинг ўзи айтиб ўтди, шу сабабдан Холанд бугун майдонга тушмайди. 

У қанча вақтга сафдан чиққанини билмайман. Ҳафтадан ҳафтага, кундан кунга вазият қандай боришини кузатиб борамиз. Умид қиламанки, у тезда яна сафга қайтади", - деди испаниялик мутахассис.

Эслатиб ўтамиз, "Лутон" - "Манчестер Сити" баҳси бугун Тошкент вақти билан 19:00 да бошланади.