Гвардиола яна бир катта трансферга қўл уряпти

“Манчестер Сити” тезроқ ўз жамоасига “Лидс” ярим ҳимоячиси Кэлвин Филлипсни қўшиб олишга уринмоқда. Бу ҳақда The Times нашри хабар тарқатди.

Жамоа бош мураббийи Хосеп Гвардиола келаси ой шогирдларини АҚШ бўйлаб турнега олиб кетади. Испаниялик мутахассис янги ўйинчини сафарга жўнаб кетиш олдидан қўлга киритмоқчи.

“Лидс” раҳбарияти эса, ўз етакчиси билан хайрлашишга шошилмаяпти. Аксинча, клуб Англия терма жамоаси ўйинчисига янги шартнома таклиф қилмоқда.

Амалдаги келишуви яна икки йил давом этадиган Филлипснинг трансфери 50 миллион еврога баҳоланган.