Гвардиола “юнайтедчилар” овозини ўчириб қўйди

“Манчестер Сити” бош мураббийи Хосеп Гвардиола жамоасининг Чемпионлар лигасида “Реал”дан мағлуб бўлганини танқид қилган “Манчестер Юнайтед”нинг собиқ ўйинчиларига жуда қаттиқ жавоб қайтарди.

Эслатиб ўтамиз, ўша ўйиндан кейин Патрис Эвра Гвардиола оҳир характерли юлдуўларни бошқара олмаётганини, Димитар Бербатов “Сити” ўртамиёна клуб эканини айтганди.

- Бербатов, Зеедорф ва Эвра каби экспертларнинг ҳаммаси собиқ футболчилар. Мен уларга қарши ўйнаганман. “Барселона” билан Чемпионлар лигаси финалида уларни чилпарчин қилиб ташлаганимда уларда ўзлари айтаётган характерни умуман кўрмаганман.

Мадриддаги ўйинда биз бир дақиқада иккита гол ўтказиб юбордик. Яна гол уриш учун бир жуфт вазият ярата олдик. Гап характерда эмас. Айнан шу характеримиз туфайли сўнгги ўйинларда 22 та тўп киритдик, - деди Хосеп Гвардиола.