Habib Abu-Dabida Islamni yolg‘izlatib qo‘ymaydi

Engil vazn toifasida sobiq UFC chempioni Habib Nurmagomedov Abu-Dabida bo‘lib o‘tadigan UFC 294 turnirida Islam Maxachevni qo‘llab-quvvatlash uchun boradi.

"Habib Islamning burchagida bo‘lmasligi mumkin, ammo mashg‘ulotlarida birga bo‘ladi va bir qancha muhim maslahatlar beradi. Nafaqat u, biz hammamiz Abu-Dabida Islam bilan birga bo‘lamiz", - dedi "Eagle FC" ligasi prezidenti Shamil Zaurov.

Eslatib o‘tamiz, 21 oktyabr kuni Abu-Dabida UFC 294 turniri o‘tkaziladi. Kechaning markaziy jangida Maxachev Oliveyraga qarshi kamarini himoya qiladi.