Ҳабибнинг амакиси унинг фаолиятини якунлашига қарши чиққан

Россиялик аралаш жанг санъати устаси Ҳабиб Нурмагомедовнинг фаолиятини тўхтатгани амакисига ёқмаган. Бу ҳақида Нурмагомед Нурмагомедовнинг шахсан ўзи гапириб ўтди:

"Ҳабибнинг фаолиятини якунлашига қарши эдим. Мен унинг қарорига қарши чиққан оиламиздаги ягона инсон эдим. Аммо у мустақил одам ва ўз тақдирини ҳал қила олади. Мен ҳали ҳам бу фикрга қаршиман. У яна жанг қила олади. 

Унинг қайтиши ҳақида гапиришим мумкин бўлган гап: ҳар қандай сценарий такрорланиши мумкин.

Мен ҳам Ҳабибнинг жанг ўтказишини хоҳлайман. Биттагина эмас. Аммо бу унинг шахсий қарори билан ҳал бўладиган масала", - деди Нурмагомедов.