Hakim Fuzaylov: "Futbolchilar yomon ko‘rinishmadi, qolganini videoda yozib olingan tasvirlarni ko‘rib xulosa qilamiz"

“Buxoro” klubi O‘zbekiston Coca-Cola Kubogi guruh bosqichi doirasida “Metallurg”ga qarshi uchrashuvda 1:1 hisobini qayd etdi. Buxoroliklar ustozi Hakim Fuzaylov uchrashuv borasida fikr bildirdi.

"Kubok o‘yinlari ham shiddatli, murosasiz o‘tyapti. Bekobodliklar birinchi turda mag‘lubiyatga uchrashgandi, biz ham. Umuman olganda, hozircha maydonda kuzatgan o‘yin haqida gapirsam, hammasi joyida.

Bunaqa issiq havoda futbolchilarim yomon ko‘rinishmadi. Raqibdan ko‘ra to‘pni o‘zlarida yaxshi saqlab qolishdi. Qolganini videoda yozib olingan tasvirlarni ko‘rib umumiy xulosa qilamiz.

Bugungi o‘yinda o‘yin amaliyoti kam bo‘lgan futbolchilardan foydalandik. Endi ertangi raqiblarning natijalarini kutamiz", - deydi Fuzaylov.

“Buxoro” matbuot xizmati.