Ҳамма кутаётган янгилик: Мбаппе янги жамоаси номини айтади

Килиан Мбаппе ПСЖ сафидаги сўнгги учрашувини Франция кубоги финалида ўтказиб, совринлари қаторига ушбу кубокни қўшиб қўйди.

25 ёшли форвард фаолиятини қайси жамоада давом эттиришни қачон эълон қилишини айтди.

- Кейинги жамоам номини мавриди келганда ўзим айтаман. Бунга бир неча кун қолди. Янгилик кутинг, - деди Килиан Мбаппе.

Мбаппе 30 июнгача ПСЖ футболчиси бўлиб қолаверади. Бироқ аксарият манбалар Килиан “Реал” билан шартнома тузиб бўлгани ҳақида ёзмоқда.

Унга кўра, франциялик футболчи йилига 15 миллион евро маош олади. “Реал” билан шартнома тузгани учун эса, 150 миллион евро берилади.

Мбаппе ПСЖ сафида олти йил давомида 308 та учрашув ўтказиб, 256 та гол ва 108 та ассист муаллифи бўлди.