Ҳамма кутган янгилик: Роналду келаси мавсумни қаерда бошлашини ҳал қилди.

Криштиану Роналду жаҳон футболида тўпурарлик рекордларини янгилашни давом эттиради. 39 ёшли ҳужумчи профессионал фаолиятини тўхтатиш ҳақида ўйлаётгани ҳам йўқ.

Таниқли инсайдер Николо Скиранинг маълум қилишича, Роналду “Ан-Наср” билан ҳамкорлигини узайтирадиган бўлди.

Айни пайтда томонлар 2025 йилнинг ёзида тугайдиган шартномни узайтириш учун музокара бошлаган.

Роналду 2026 йили бўладиган жаҳон чемпионатида иштирок этмоқчи. Шу боис, унга мунтазам ўйин амалиёти керак бўлади. Рекордларни уришни яхши кўрадиган португалиялик юлдуз мундиалда иштирок этса, олтита жаҳон чемпионатида тўп тепган ягона футболчига айланади.

Бундан ташқари, Роналду расмий учрашувлардаги умумий голлари сонини мингтага етказиб қўйишни режа қилган. Ҳозир унинг ҳисобида 903 та гол бор. Ва унинг ҳар бир киритган тўпи янги рекорд сифатида қайд этилаверади.