Ҳарри Кейн “Тоттенхэм”га қайтмади!

“Тоттенхэм” ҳужумчиси Ҳари  Кей таътилдан чиқиб, бугун жамоа машғулотларига қўшилиши керак эди. Бироқ, маълумотларга қараганда, клуб раҳбарияти уни “Манчестер Сити”га қўйиб юбормаётгани учун Кейн машғулотларда қатнашишдан бош тортмоқда.

Аввалроқ, “Манчестер Сити” 187 миллион евро эвазга 28 ёшли ҳужумчини трансфер қилиши ва “Тоттенхэм” президенти Даниэль Леви бунга тўсқинлик қилмаслиги ҳақида хабарлар тарқатилган эди.

Ҳарри Кейннинг ўзи ҳам клуб раҳбарлари уни шу ёз қўйиб юборишга ваъда берганини таъкидламоқда.

“Тоттенхэм” раҳбарияти эса, ҳали асосий тўпураридан воз кечмоқчи эмас. Кейннинг клуб билан амалдаги шартномаси 2024 йилнинг ярмигача давом этади.