Ҳасан Баудунов жаҳон кубоги ғолибига айланди

Салвадорда қиличбозликнинг шпага йўналиши бўйича ёшлар ўртасида Жаҳон кубогида ҳамюртимиз Ҳасан Баудунов олтин медални қўлга киритди.

Ҳ.Баудунов мусобақанинг  биринчи босқичида панамалик Хулио Ариасни 15:10,  чорак финалда чилилик Фелипе Гонсалесни 15:3, ярим финалда коста-рикалик Даниэль Охедани 15:8 ҳисобида енгди.

Қиличбозимиз сўнгги ҳал қилувчи финал баҳсида бразилиялик Альваро Донатони 15:9 ҳисобида мағлуб этиб шоҳсупанинг энг юқори поғонасидан жой олди ва Жаҳон кубокларида ғалаба қозонган иккинчи қиличбозимизга айланди.